Журналист-инсайдер Фабрицио Романонинг ёзишича, «Манчестер Сити» ҳужумчиси Габриэль Жезус «Арсенал»нинг ёзги трансферлар ойнаси вақтидаги асосий нишони бўлиб турибди. 

«Шаҳарликлар» ҳужумни Ҳоланд билан кучайтиргач, бразилиялик футболчи ўзига янги жамоа топиш ҳаракатига тушган. Шунингдек, «Ривер Плейт» футболчиси Хулиан Альварес ҳам ёзда «Сити»га келиб қўшилади. 

Шунингдек, «Арсенал» шортлистидан «Лестер» яримҳимоячиси Юри Тилеманс ҳам ўрин олган. Клубнинг трансферлар ойнасидаги ҳаракатлари жорий мавсум АПЛда кучли тўртлик учун курашдаги натижасига қараб белгиланади. 

Эслатиб ўтамиз, АПЛда 35та ўйин ўтказган «тўпчилар» 66 очко билан 4-ўринда бормоқда. Келгуси турда Артета шогирдлари бевосита рақобатчи «Тоттенҳэм» билан баҳс олиб боради.