Маурисио Почеттино «Атлетик»ни бошқариши мумкин.
«ПСЖ» раҳбарияти жамоа Чемпионлар Лигасидан чиқиб кетганидан кейин мураббийга ишончини йўқотди, деб хабар бермоқда L'Equipe.
Парижликларнинг ўтган мавсумда Лига 1да ғалаба қозона олмагани ҳам аргентиналик мутахассисга қарши ишлайди. Катта эҳтимол билан у ёзда клубни тарк этади.
Ўз навбатида Бильбаонинг «Атлетик» клуби шартномаси шу ёзгача амалда бўлган Марселинога ўринбосар қидирмоқда. Басклар «ПСЖ» билан илк музокараларни ўтказишди.
