Манба: Дибаланинг келгуси манзили маълум
Чоршанба, 04 Май
19222
Фото: Getty Images

«Ювентус» футболчиси Пауло Дибала фаолиятини бошқа клубда давом эттириши деярли аниқ бўлиб улгурди. 

«La Gazette dello Sport» нашрининг маълум қилишича, ҳужумчи «Интер» билан 4 йиллик шартнома имзолашга яқин. Битимга кўра, Пауло йилига 6 млн евро маош олади. Бундан ташқари, футболчига турли бонуслар ҳам ваъда қилинмоқда. 

Бундай маош «нерадзуррилар»нинг айни пайтдаги етакчилари Лаутаро Мартинес ва Марсело Брозовичда бор. Аргентина миллий жамоаси аъзосига ушбу маошни тўлаш учун миланликлар Артуро Видаль, Алексис Санчес ва Матиас Весино билан хайрлашиши мумкин. 

Ҳужумчига «Атлетико»дан ҳам таклиф бўлганди, аммо унга «Интер»нинг таклифи ишончлироқ кўринди. Бундан ташқари, Дибала фаолиятини А Серияда давом эттирмоқчи. 

Манбанинг хабарига кўра, ушбу трансфернинг амалга ошишида «Интер» бош директори Беппе Мароттанинг хизматлари катта бўляпти. Айнан унинг сайъ-ҳаракатлари эвазига 2015 йилда Пауло «Палермо»дан «Ювентус»га ўтганди. 

Маълумот учун, 28 ёшли футболчи жорий мавсум клуб сафида барча мусобақаларда 35та ўйин ўтказиб, 14та гол ва 6та ассист амалга оширишга эришди.

Теглар

Ўхшаш янгиликлар