«Пахтакор» ОЧЛдаги иштирокини юбилей ғалаба билан якунлади 
Чоршанба, 27 Апрел
10931
Фото: Пахтакор

Осиё Чемпионлар Лигасида 6-тур ўйинлари бошланди. 

D гуруҳида кейинги босқичга чиқиш имкониятини йўқотган «Пахтакор» (6) сўнгги турда мезбон «Ат Таъавун» (7) билан голларга бой баҳсда ажойиб ғалабага эришди — 5:4. Асосан ёш футболчилар билан ўйнаган «шерлар»дан Аббос Файзуллаев, Азиз Турғунбоев, Сардор Собирхўжаев, Миржаҳон Мираҳмадов ва Аббос Эргашбоев тўп киритишди. 

Эътиборлиси, бу — «Пахтакор»нинг ушбу турнирдаги юбилей 50-ғалабаси.

Гуруҳнинг иккинчи ўйинида пешқадам «Ад Дуҳайл» (15) «Сепоҳон»ни (7) йирик ҳисобда енгди. 

Шу тариқа ушбу гуруҳдан фақат «Ад Дуҳайл» плей-оффга йўл олди. 

ОЧЛ. 6-тур. 26 апрель
D гуруҳи
Пахтакор — Ат Таъавун 5:4
Голлар:
Аббос Файзуллаев (22), Азиз Турғунбоев (31), Сардор Собирхўжаев (32), Миржаҳон Мираҳмадов (78), Аббос Эргашбоев (86) — Бакир (14), Набит (51, 60), Амри (83).
Пахтакор — Санжар Қувватов, Ҳожиакбар Алижонов, Шаҳзод Азмиддинов, Камен Хажиев, Фарруҳ Сайфиев, Икром Алибоев, Сардор Собирхўжаев, Аббос Файзуллаев (Диёр Холматов, 69), Азиз Турғунбоев (Жасур Ёқубов, 90+4), Ҳожимат Эркинов (Аббос Эргашбоев, 79), Миржаҳон Мираҳмадов.
Ат Таъавун — Бағави, Язид Бакир, Тариқ Муҳаммад (Фаҳад Рашиди, 54), Луйиндама, Мотаз Ҳавсави (Абдулмалик, 68), Наваф Собҳи, Сумайҳан Набит, Райан Муса, Мустафо Фатҳи, Ҳассан Амри (Файсал Муҳаммад, 84) , Тавамба.
Огоҳлантиришлар: Файзуллаев (16), Ҳажиев (27), Амри (36), Собҳи (72), Азмиддинов (82), Сайфиев (82), Мираҳмадов (85).

Ад Дуҳайл — Сепоҳон 5:2
Голлар:
Олунга (10, 35), Эдмилсон (41, 90), Сасси (50) — Маҳди (20), Рафийи (82).

Ўхшаш янгиликлар