«Атлетико» бош мураббийи Диего Симеоне Ла Лига 32-тури доирасида «Эспаньол»га қарши кечадиган беллашув олдидан Чемпионлар Лигасидаги мағлубият ҳақида гапириб ўтди. 

«Биз доим ўзимиз билан фахрланамиз. Бизга янада кўпроқ ифтихор туйғусини ҳис қилиш учун ҳеч қандай ортиқча эпизод ва қандайдир ўйин керак эмас. Мана шу узоқ йиллар давомида қанчалик буюк йўлни босиб ўтганимиз, нималарга эришганимизни яхши биламиз. 

Бор кучингни бериб, ўзингнинг энг яхши ҳолатингда турар экансан, доим яхши таассуротлар билан қоласан. Ўз вазиятларимиздан фойдалана олмадик, турнирни тарк этдик, лекин буни оддий қабул қиламиз, чунки қўлимиздан келган барча ишни қилдик. 

Олдимиздаги ўйинда ҳам «Сити»га қарши бўлганидек бор имкониятимизни кўрсатишимиз керак. ЕЧЛдаги ўйинда бемалол исталган жамоага қарши ғалаба учун ўйнай олишимизни исботлаб қўйдик», — деди аргентиналик мутахассис. 

Маълумот учун, «Атлетико» — «Эспаньол» беллашуви бугун, Тошкент вақти билан 19:15да старт олади.