«Ливерпуль» бош мураббийи Юрген Клопп АПЛ 28-туридан ўрин олган «Вест Ҳэм»га (1:0) қарши баҳсдан сўнг ўз фикрлари билан ўртоқлашди. 

«Бу баҳсни муҳим ўйинлардан бири сифатида эслаймизми ёки йўқми, билмайман. Биламизки, «Вест Ҳэм» — кўп жиҳатдан яхши жамоа.

Биринчи бўлимда уларни вазиятлардан маҳрум қилгандик, аммо танаффусдан сўнг ўйин янада очиқ бўлди. Зарбаларда унчалик яхши эмас эдик, лекин сиз доимо ижобий натижага эришишга ҳаракат қилишингиз керак ва мен муваффақиятга эришганимиздан мамнунман.

Агар ўйин яхши ташкиллаштирилмаган бўлса, иштиёқ билан ҳимояланиш керак ва биз буни уддаладик. Бундай пайтларда биз омадлимиз. Аммо ҳар доим ҳам охирги пайтлардагидек кўп ўйинларда ғалаба қозона олмайсиз.

Натижадан мамнунман. Биламан, бундан анча яхши ўйнай оламиз, аммо кучли рақибни мағлуб этдик. Уларнинг турнир жадвалида юқори ўринларни эгаллаб, еврокубокларга уринишлари бежиз эмас», — дея Клоппнинг сўзларини келтиради ВВС.