Ла Лига. Обаменгнинг дубли «Барселона»га «Валенсия» устидан йирик ғалаба келтирди, «Севилья» очко йўқотди 
Якшанба, 20 Феврал
8515
Фото: Getty images

Ла Лига 25-тури доирасидаги навбатдаги икки учрашув якунига етди.

«Барселона» «Месталья» стадионида «Валенсия» меҳмони бўлди. Учрашувнинг 23-дақиқасида қишки трансфер ойнасида «Арсенал»дан «Барселона»га текинга ўтган Пьер-Эмерик Обамеянг ҳисобни очиб, дебют голини нишонлаган бўлса, ўн дақиқа ўтмай Де Йонг фарқни оширди, 38-дақиқада эса яна ўша Обамеянг фарқни йириклаштирди – 3:0.

Иккинчи бўлимда Солер фарқни қисқартиргач, гўё ўйинда интрига пайдо бўлганди, бироқ 63-дақиқада Педри ажойиб зарбаси билан йирик ҳисобни расмийлаштирди – 4:1.

Каталонияга сафар қилган «Севилья» эса «Эспаньол»ни мағлуб эта олмади – 1:1. Шу куни андалусияликлар сафида ҳужумчи Марсьял жароҳат олди ва 26-дақиқада алмаштирилди, ҳимоячи Кунде эса қизил карточка сабаб ўйинни эрта тарк этди.

Шу тариқа, «Барса» очколари сонини 42тага етказиб, «Атлетико» (42) ҳамда «Вильярреал»ни (39) ортда қолдирган ҳолда яна 4-ўринга кўтарилди. «Севилья» эса 51 очко билан 2-ўринда қолди.

Ла Лига. 25-тур
Эспаньол – Севилья 1:1

Голлар: 0:1 – 36 Рафа Мир, 1:1 – 50 Дардер.
Эспаньол – Диего Лопес, Хиль (Морон, 88), Кабрера, Серджи Гомес, Педроса, Вильена (Алеиш Видаль, 72), Дардер, Баре, Эррера (Мелендо, 83), Пуадо (Эмбарба, 88), де Томас.
Севилья – Буну, Диего Карлос, Кунде, Аугустинссон (Оливер Торрес, 56), Фернандо, Дилэйни, Жордан (Ракитич, 56), Корона (Навас, 71), Окампос, Марсьяль (Гомес, 26), Рафа Мир (Эн-Несири, 71).
Огоҳлантиришлар: де Томас (30), Аугустинссон (44), Корона (47), Кунде (69), Пуадо (76), Баре (81), Окампос (85), Алеиш Видаль (90).
Четлатиш: Кунде (76).
 
Валенсия – Барселона 1:4
Голлар: 0:1 – 23 Обамеянг, 0:2 – 32 де Йонг, 0:3 – 38 Обамеянг, 1:3 – 52 Солер, 1:4 – 63 Педри.
Валенсия – Мамардашвили, Фулькье, Альдерете, Диакаби, Гайя (Тони Лато, 65), Солер, Гильямон (Макси Гомес, 46), Мориба (Рачич, 66), Гедеш, Дуро (Маркос Андре, 85), Хиль.
Барселона – тер Стеген, Дест, Араухо, Эрик Гарсия (Мингеса, 46), Альба, Бускетс, де Йонг (Педри, 60), Гави (Траоре, 81), Обамеянг (де Йонг, 82), Дембеле (Нико Гонсалес, 71), Ферран Торрес.
Огоҳлантиришлар: Альба (35), Мориба (53), Араухо (56), Нико Гонсалес (72), Тони Лато (76), Солер (77).

Теглар

Ўхшаш янгиликлар