Аргентинанинг Чили ва Колумбияга қарши қайдномаси эълон қилинди. Месси таркибда йўқ, Дибала ва Ди Мария чақирилди
Чоршанба, 19 Январ
2746
Фото: Getty Images

Аргентина миллий жамоасининг ЖЧ-2022 саралаш босқичи доирасидаги Чили (28 январь) ва Колумбияга (2 февраль) қарши ўтадиган ўйинлар учун чақирилган футболчилари рўйхати эълон қилинди.

Кутилганидек, «ПСЖ» ҳужумчиси Лионель Месси ўйинларга жалб этилмади. Коронавирус юқтириб олган 34 ёшли форвард тикланиш жараёнини Парижда ўтказишда давом этади.

Аргентина миллий жамоасига чақирилган ўйинчилар рўйхати:

Дарвозабон: Франко Армани («Ривер Плейт»), Хуан Муссо («Аталанта»), Эмилиано Мартинес («Астон Вилла»), Эстебан Андрада («Монтеррей»).

Ҳимоячилар: Гонсало Монтьель, Маркос Акунья (иккиси ҳам – «Севилья»), Науэль Молина («Удинезе»), Лукас Мартинес («Фиорентина»), Херман Песселья («Бетис»), Николас Отаменди («Бенфика»), Лисандро Мартинес, Николас Тальяфико (иккиси ҳам – «Аякс»).

Яримҳимоячилар: Леандро Паредес, Анхель Ди Мария (иккиси ҳам – «ПСЖ»), Лукас Окампос, Папу Гомес (иккиси ҳам – «Севилья»), Гидо Родригес («Бетис»), Жовани Ло Чельсо («Тоттенҳэм»), Алексис Мак Аллистер («Брайтон»), Эмилиано Буэндиа («Астон Вилла»), Родриго де Пауль («Атлетико»), Николас Гонсалес («Фиорентина»).

Ҳужумчилар: Пауло Дибала («Ювентус»), Лаутаро Мартинес, Хоакин Корреа (иккиси ҳам – «Интер»), Анхель Корреа («Атлетико»), Хулиан Альварес («Ривер Плейт»).

Маълумот учун, Аргентина миллий жамоаси ЖЧ-2022 саралаш босқичини муддатдан аввал муваффақиятли якунлаб, Қатарга йўлланмани нақд қилган.

Теглар

Ўхшаш янгиликлар