Европа Лигаси. «Наполи», «Реал Сосьедад» ва «Спартак» плей-оффда, «Лестер» ЕКЛга тушиб кетди
Жума, 10 Декабр
5446
Фото: Наполи

Европа Лигасида 4та гуруҳда сўнгги тур ўйинлари бўлиб ўтди.

Барча масала ҳал бўлган А гуруҳида «Лион» (16) «Рейнжерс» (8) билан дуранг ўйнади. «Спарта» (7) «Брондбю»ни (2) енгиб, Конференциялар Лигасига йўл олди.

В гуруҳида 1-ўринни эгаллаб бўлган «Монако» (12) аутсайдер «Штурм» (2) билан муроса йўлини танлади. «Реал Сосьедад» (9) ПСВдан (8) йирик ҳисобда устун келиб, гуруҳдан чиқишни уддалади.

С гуруҳида «Спартак» (10) «Легия»н (6) мағлуб этиб, 1-ўринни эгаллади. «Наполи» (10) «Лестер»ни (8) ЕКЛга равона қилди. Эътиборлиси, Москва клуби посбони Селихов 90+8-дақиқада пенальтини қайтариб, жамоаси ушбу турнирда олиб қолди — дуранг қайд этилганда, «Лестер» ўрнига «Спартак» 3-ўринга тушиб кетарди.

D гуруҳида «Айнтрахт» (12) биринчи, «Олимпиакос» (9) иккинчи бўлди. «Фенербаҳче» (6) ЕКЛда юришини давом эттиради.

Эслатиб ўтамиз, гуруҳида 1-ўринни қўлга киритган жамоалар тўғридан тўғри 1/8 финалга йўл олишса, 2-ўрин соҳиблари 1/16 финал босқичида майдонга тушишади.

Шу тариқа гуруҳдан чиқиши керак бўлган 16 жамоадан 13таси маълум бўлди — «Лион», «Вест Ҳэм», «Айнтрахт», «Галатасарой», «Лацио»,  «Байер», «Бетис», «Рейнжерс», «Монако»,  «Олимпиакос», «Наполи», «Спартак» ва «Реал Сосьедад».

Европа Лигаси. 6-тур. 9 декабрь

А гуруҳи
Лион — Рейнжерс 1:1

Голлар: Бэси (49, автогол) — Райт (42).
Лион – Поллерсбек, Фогель (Дюбуа, 62), Да Сильва, Лукеба, Энрике, Шакири (Ауар, 62), Какре (Бруно Гимараэс, 76), Кеита, Токо-Экамби (Кадевере, 44), Дембеле (Слимани, 76), Шерки. 
Рейнжерс – Маклафлин, Паттерсон, Голдсон, Басси, Баришич, Ландстрем, Камара (Дэвис, 46), Райт (Арфилд, 61), Ҳажи (Бакуна, 61), Руф (Арибо, 73), Кент.

Спарта — Брондбю 2:0
Голлар:
Ханко (43), Гложек (49).

В гуруҳи
Реал Сосьедад — ПСВ 3:0
Голлар:
Ойарсабаль (43 пенальти, 62), Сёрлот (90+3).
Реал Сосьедад – Ремиро, Сальдуа, Элустондо, Ле Норман, Муньос, Янузай (Турриентес, 70), Субельдия, Субименди (Горосабель, 85), Порту (Барренечеа, 70), Исак (Серлот, 81), Ойарсабаль (Пачеко, 85). 
ПСВ – Дроммел, Мвене (Тезе, 68), Рамальо, Боскальи, Мауро Жуниор (Макс, 86), Гутьеррес, Сангаре, Гётце, Брума, Доан (Мадуэке, 62; Вертессен, 68), Гакпо (Винисиус, 62).

Штурм — Монако 1:1
Голлар:
Янтшер (7, пенальти) — Фолланд (30).
Монако – Маецки, Агиляр, Павлович, Матсима, Кайо Энрике (Якобс, 46), Головин (Диоп, 57), Тчуамени (Жан Лукас, 46), Матазо, Бен-Йеддер (Боадю, 46), Фолланд, Изидор (Желсон Мартинш, 80).

С гуруҳи
Наполи — Лестер 3:2
Голлар:
Унас (4), Элмаз (24, 53) — Эванс (27), Дьюсбери-Ҳолл (33).
Наполи – Мерет, Ди Лоренцо, Жезус, Рраҳмани, Руй, Демме (Манолас, 78), Зелиньски, Унас (Мертенс, 63), Элмаз, Петанья, Лосано (Малькюи, 45). 
Лестер – Шмейхель, Кастань, Эванс, Суюнчи, Бертран, Ндиди, Тилеманс (Сумаре, 77), Мэддисон, Барнс (Дака, 72), Дьюзбери-Ҳолл (Олбрайтон, 89), Варди.

Легия — Спартак 0:1
Гол:
Бакаев (17).
Амалга оширилмаган пенальти: Пекҳарт (90+8).
Спартак – Селихов, Жикия, Жиго, Кофрие, Айртон, Мозес, Зобнин (Ҳендрикс, 77), Умяров, Игнатов (Мелкадзе, 77), Бакаев (Ломовицкий, 88), Промес.

D гуруҳи
Фенербаҳче — Айнтрахт 1:1
Голлар:
Бериша (42) — Соу (29).
Фенербаҳче – Ўзер, Сангаре, Азиз, Салаи, Ким Мин Чэ, Новак (Осейи-Сэмюэл, 72), Соса (Луис Густаво, 72), Зайц (Майер, 77), Пелкас (Кумушқоя, 82), Қаҳвачи (Росси, 77), Бериша. 
Айнтрахт Ф – Трапп, Чендлер (да Кошта, 69), Ҳасебе, Ндика, Тута, Костич, Соу (Хрустич, 78), Камада, Якич (Роде, 69), Ҳауге (Ламмерс, 69), Борре (Пасиенсия, 60).

Антверпен — Олимпиакос 1:0
Гол:
Баликвиша (7).

Ўхшаш янгиликлар