Франция миллий жамоаси ҳамда «МЮ» собиқ ҳимоячиси Патрис Эвра «ПСЖ» форварди Лионель Мессини муддатдан аввал «Олтин тўп»ни қўлга киритгани билан табриклади.

«Мессини навбатдаги «Олтин тўп»ни қўлга киритгани билан табриклайман», - дея ёзади Эвра инстаграмдаги саҳифасида футболчи билан ўйин вазиятларидан бирини жойлаб.

Аввалроқ, аргентиналик ҳужумчи бугун, якшанба кунги «Сент-Этьен»га қарши ўйин олдидан соқолини қиргани, душанба куни «Олтин тўп»ни топшириш маросимида иштирок этиши билан боғлиқ экани айтилганди. 

Маълумот учун, «Олтин тўп» 29 ноябрь, душанба куни Парижда топширилади.