Лондоннинг «Тоттенҳэм» клуби собиқ футболчиси, ҳозирда «Атлетико Мадрид» жамоаси шарафини ҳимоя қилувчи Киран Триппьер Премьер-лигага қайтиши мумкин.

Италиялик журналист-инсайдер Николо Скиранинг ёзишича, 31 ёшли инглиз футболчисига нафақат «Ньюкасл», балки «Манчестер Юнайтед» ҳам қизиқиш билдирмоқда. Маълумотларга кўра, манкунианлар ва Триппьернинг агенти ўртасидаги музокаралар деярли ҳал бўлган, шунингдек, футболчининг ўзи ҳам Англияга қайтмоқчи.

Келишув аниқ бўлса, Киран қишдаёқ Манчестерга кўчиб ўтиши мумкин. «Қизил иблислар» у учун «матрасчилар»га 13 миллион евро тўламоқчи. Шунингдек, унинг шартномаси 2023 йилда ўз якунига етиши боис, «қизиллар» у учун 10 миллион миқдорида компенсация ҳам тўлаши керак бўлади.