«Аталанта» бош мураббийи Жан-Пьеро Гасперини ЕЧЛ 4-туридан ўрин олган «Манчестер Юнайтед»га қарши ўйин олдидан рақиб ҳужумчиси, ўтган уч мавсумни «Ювентус»да ўтказган Криштиану Роналду ҳақида фикр билдирди.
«У – ажойиб футболчи. Буни ҳамма билади. У «Юнайтед»да яхши ўйнаяпти ва А Серияга ҳам кўп нарса берди.
Шахсан мен Криштианунинг Англияга қайтганидан афсусдаман, чунки менга Италияда энг яхши футболчилар билан рақобатлашиш ёқади», – дея Гасперинининг сўзларини келтиради Football Italia.
«Аталанта» — «МЮ» ўйини бугун, 2 ноябрь куни бўлиб ўтади. Беллашув Тошкент вақти билан 01:00да бошланади.
