«Манчестер Сити» Парижда меҳмон, Яхшибоев Мадридда «Реал»га қарши. Чемпионлар лигаси 2-тур анонси
Сешанба, 28 Сентябр
6847

Ушбу ҳафта ўртасида кўҳна қитъада еврокубок учрашувлари ўтказилади. Жумладан, бугун – 28 сентябрь сешанба оқшомида мухлисларни Чемпионлар лигаси 2-тур ўйинлари кутмоқда. Дастлабки кунги баҳсларда юлдузли «ПСЖ»нинг «Манчестер Сити»га қарши тўқнашуви, «Милан» - «Атлетико» ҳамда Жасур Яхшибоевнинг «Реал»га қарши «Сантьяго Бернабеу»даги ўйини барчанинг диққат марказида бўлади.

«Миллионерлар жанги»

Турнинг марказий қарама-қаршилиги Парижда ўтади. Пеп Гвардиола ва Мессининг йўллари тўқнаш келади. Ушбу ўйин қайдномасидан ўрин олган аргентиналик форвард «Сити»га қарши баҳсда Неймар ва Мбаппе билан трио ҳосил қилиши кутилмоқда. «Манчестер Сити» ўтган мавсумда Чемпионлар лигаси яримфиналида «ПСЖ»ни турнирдан чиқариб юборган эди. Шундай экан, қатарлик ва амирлик шайхларга тегишли клублар ўртасидаги баҳсда Париж клуби реванш олиш имкониятига эга.

Мезбонлар устози Почеттино «Сити»га қарши Серхио Рамос ва Анхель Ди Марияни майдонга тушира олмаса, Гвардиолада ҳам йўқотиш бор – Гундўған ва Зинченко жароҳат сабабли Парижга бормаган.

7 йил ўтиб «Сан-Сиро»да ЕЧЛ мадҳияси янграйди

«Милан» клуби 7 йиллик танаффусдан кейин «Сан-Сиро»да ЕЧЛ мадҳияси остида майдонга тушади. Эътиборлиси, миланликлар бу турнирдаги сўнги учрашувни ўз стадионларида 2014 йилнинг февралида «Атлетико»га қарши ўтказишганди. Ўшанда Кака, Марио Балотелли, Одил Таарабт ва Майкл Эссьен етакчилигидаги «россонерлар» «ҳиндулар»га ютқазишган. 7 йиллик танаффусдан сўнг Стефоно Пиоли шогирдлари ўша мағлубият учун ўч олиш имкониятига эгалар.

Миландаги ўйинда Савич мадридликларга ёрдам бера олмаса, мезбонларга жамоанинг асосий юлдузи Златан Ибраҳимович ёрдам бера олмайди. Швед форварди жароҳатидан тикланишга улгурмаган.

Жасур Яхшибоев ва «Шериф» «Реал»га қарши

Молдованинг «Шериф» клуби Мадридга гуруҳ пешқадами сифатида ташриф буюрди. «D» гуруҳи 1-турида «Шериф» «Шахтёр»дан устун келган бўлса, «Реал» Италияда «Интер»ни мағлуб этганди. «Шериф» бу турда Мадридда ҳам сенсация қайд этиб, Испаниядаги тарихий очкосини қўлга кирита оладими?

«Сантьяго Бернабеу»дек буюк стадионда тўп суришнинг ўзи биз учун катта байрам. Фантастик атмосферада рақибга қарши муносиб қаршилик кўрсатишга интиламиз. «Реал»ни ҳурмат қиламиз, аммо улардан асло қўрқаётганимиз йўқ», - деди клуб бош мураббийи Юрий Вернидуб ўйиндан аввал.

УЕФА расмий сайти жамоаларнинг тахминий таркибини келтирган. Унга кўра, Жасур Яхшибоев «Шериф»нинг асосий таркибига киритилиши тахмин қилинган. 24 ёшли ҳужумкор яримҳимоячи «Реал»га қарши майдонга тушса, у «Сантьяго Бернабеу»да тўп сурган ўзбекистонлик иккинчи футболчига айланади. Ҳозиргача фақатгина Максим Шацких Киевнинг «Динамо»си таркибида Мадридда майдонга тушган. Шундай экан, тарихий ўйинга айланиши мумкин бўлган «Сантьяго Бернабеу»даги учрашувни ўтказиб юборманг.

Қуйида сешанба оқшомида ўтадиган ўйинлар анонси ва тўртта гуруҳдаги 8та учрашувнинг тахминий таркиблари билан танишинг:

ЕЧЛ. 2-тур.

28 сентябрь (сешанба)

«А» гуруҳи

«Пари Сен-Жермен» - «Манчестер Сити»

Ўйин бошланиш вақти: 23:59

ТВ-трансляция: Спорт / Ёшлар

«ПСЖ»: Навас; Ҳакими, Маркиньос, Кимпембе, Нуну Мендеш; Эррера, Паредес, Гуэй; Месси, Мбаппе, Неймар

Ўйнамайди: Рамос (жароҳат), Ди Мария (дисквалификация)

Сўроқ остида: Верратти (жароҳат)

«Манчестер Сити»: Эдерсон; Уокер, Рубен Диаш, Ляпорт, Жоау Канселу; Бернарду Силва, Фернандиньо, де Брюйне; Маҳрез, Ф. Торрес, Грилиш

Сўроқ остида: Гюнўған (жароҳат), Зинченко (жароҳат)

«Лейпциг» - «Брюгге»

Ўйин бошланиш вақти: 23:59

«Лейпциг»: Гулачи; Мюкиле, Симакан, Орбан, Гвардиол; Айдара, Кампл; Нкунку, Форсберг, Собослаи; Андре Силва

Ўйнамайди: Анхелиньо (дисквалификация), Ольмо (жароҳат), Хальстенберг (жароҳат)

Сўроқ остида: Адамс (жароҳат)

«Брюгге»: Миньоле; Мата, Хендри, Нсоки, Соболь; Ритс, Баланта; Сова, Ванакен, Ланг; де Кетеларе

Ўйнамайди: Искьердо (жароҳат)

Сўроқ остида: Вормер (жароҳат), Уэсли (жисмоний ҳолат)

«В» гуруҳи

«Порту» - «Ливерпуль»

Ўйин бошланиш вақти: 23:59

ТВ-трансляция: Матч Футбол 2 (Россия)

«Порту»: Диогу Кошта; Корона, Пепе, Маркано, Венделл; Груич, Урибе, Сержиу Оливейра, Отавио; Диас, Тореми

Ўйнамайди: Мбемба (дисквалификация), Марчесин (жароҳат)

Сўроқ остида: Пепе (жароҳат)

«Ливерпуль»: Алиссон; Милнер, Матип, ван Дейк, Робертсон; Фабиньо, Хендерсон, Жонс; Салоҳ, Жота, Мане

Ўйнамайди: Тьяго (жароҳат), Элиотт (жароҳат), Кейта (жароҳат), Уильямс (жароҳат)

«Милан» - «Атлетико»

Ўйин бошланиш вақти: 23:59

ТВ-трансляция: Маҳалла

«Милан»: Меньян; Калабрия, Томори, Кьер, Эрнандес; Кесси, Тонали; Салемакерс, Браим Диас, Рафаэл Леау, Ребич

Ўйнамайди: Бакайоко (жароҳат), Крунич (жароҳат), Ибраҳимович (жароҳат), Мессиас (жисмоний ҳолат)

Сўроқ остида: Флоренци (жароҳат), Кьер (жароҳат)

«Атлетико»: Облак; Триппьер, Фелипе, Хименес, Эрмосо, Карраско; Коке, Кондогбиа, Льоренте; Суарес, Корреа

Ўйнамайди: Савич (дисквалификация)

«С» гуруҳи

«Аякс» - «Бешиктош»

Ўйин бошланиш вақти: 21:45

ТВ-трансляция: Маҳалла

«Аякс»: Пасвеер; Мазрауи, Тимбер, Мартинес, Блинд; Альварес, Гравенберх; Антони, Бергхейс, Тадич; Алле

Ўйнамайди: Онана (дисквалификация), Клайбер (жароҳат), Стекеленбург (жароҳат)

«Бешиктош»: Эрсин Дестаноглу; Розье, Сердар Саатчи, Н'Сакаля, Ридван Йилмаз; Соуза, Солиҳ Учан, Оғузхон Ўзякуп, Кенан Караман, Гёкхан Тере; Бачуайи

Ўйнамайди: Вида (жароҳат), Монтеро (бетоб), Велинтон (жароҳат), Неджип Уйсал (жароҳат), Хатчинсон (жароҳат), Мехмет Топал (жароҳат), Пьянич (жароҳат), Алекс Тейшейра (жароҳат), Н'Куду (жароҳат), Геззаль (жароҳат), Лэрин (жароҳат)

 

«Боруссия» Дортмунд - «Спортинг»

Ўйин бошланиш вақти: 23:59

ТВ-трансляция: Матч Игра (Россия)

«Боруссия» Д: Кобель; Менье, Аканжи, Ҳуммельс, Геррейру; Витсель; Дауд, Беллингем; Азар; Ҳоланд, Мален

Ўйнамайди: Жан (жароҳат), Кулибали (жароҳат), Морей (жароҳат), Шмельцер (жароҳат), Тиггес (жароҳат), Загаду (жароҳат)

Сўроқ остида: Ҳоланд (жароҳат), Рейна (жароҳат), Ройс (жароҳат)

«Спортинг»: Адан; Луиш Нету, Коатес, Феддаль; Порро, Жоау Пальинья, Матеус, Винагре; Сарабия, Паулинью, Нуну Сантуш

Ўйнамайди: Гонсалу Инасиу (жароҳат), Педру Гонсалвеш (жароҳат)

«D» гуруҳи

«Реал» - «Шериф»

Ўйин бошланиш вақти: 23:59

ТВ-трансляция: Спорт / Ёшлар

«Реал»: Лунин; Лукас Васкес, Милитао, Алаба, Гутьеррес; Камавинга, Каземиро, Асенсио; Азар, Бензема, Винисиус

Ўйнамайди: Себальос (жароҳат), Марсело (жароҳат), Менди (жароҳат), Карвахаль (жароҳат), Бейл (жароҳат)

Сўроқ остида: Кроос (жисмоний ҳолат)

«Шериф»: Атанасиадис; Фернандо, Арболеда, Дуланто, Кристиано; Аддо, Тилль; Траоре, Коловос, Кастаньеда; Жасур Яхшибоев

Ўйнамайди: Плешко (дисквалификация), Белоусов (жароҳат)

Сўроқ остида: Киабу (номаълум), Янсане (номаълум).

«Шахтёр» - «Интер»

Ўйин бошланиш вақти: 21:45

ТВ-трансляция: Спорт

«Шахтёр»: Пятов; Додо, Марлон, Матвиенко, Исмаили; Майкон, Степаненко; Тете, Алан Патрик, Педриньо; Траоре

Ўйнамайди: Жуниор Мораэс (жароҳат), Фернандо (номаълум), Дентиньо (номаълум)

Сўроқ остида: Бондарь (жароҳат), Коноплянка (номаълум), Судаков (номаълум)

«Интер»: Ҳанданович; Шкриниар, де Врей, Бастони; Думфрис, Барелла, Брозович, Хакан Чалханоглу, Перишич; Лаутаро Мартинес, Джеко

Ўйнамайди: Сенси (жароҳат).

Теглар

Ўхшаш янгиликлар