«Атлетико» президенти Энрике Серезо Антуан Гризманнинг «матрасчилар» сафига қайтгани ҳақида гапириб ўтди. 

«Мен шундай бўлишини олдиндан тахмин қила олардим. Лекин Гризманн орқали пул ишлаб олиш ниятида бўлмаганман. 

У жамоамизни тарк этганида, «Барселона»да биз берган меҳрни топа олмаслигини айтганман. Антуан қийин даврларни бошидан кечирди, лекин «Атлетико» қайтишни хоҳлашини маълум қилди. 

Баъзи мухлислар бундай ҳолатларни ёқтирмаслиги мумкин. Лекин футбол ихлосмандларининг аксарияти футболчиларнинг жонажон клубига қайтишини ёқтиради. Энг муҳими, яхши таркибда футбол ўйнашинг», - дейди мадридликлар раҳбари. 

Маълумот учун, франциялик 30 ёшли футболчи 2014-2019 йиллар мобайнида ҳам «Атлетико» шарафини ҳимоя қилган.