«Барселона» бош мураббийи Роналд Куман Ла Лиганинг 3-туридан ўрин олган «Хетафе»га (2:1) қарши баҳсдан сўнг ўз фикрлари билан ўртоқлашди. 

«Қийин ўйин. «Хетафе» — кучли жамоа. 

Баҳсни яхши бошладик, аммо улар ҳисобни тенглаштиришга муваффақ бўлишди. Ўйлашимча, иккинчи бўлимда тўпни ёмон бошқардик. Аммо ишга тўғри муносабатда бўлдик. Ўтган йили худди шундай ўйинларда очко йўқотгандик.

Депай жамоа етакчиси бўлиши керакми ёки йўқми, билмайман. Ўйин тақдирини ҳал қила оладиган футболчини ўз сафимизга қўшиб олганмиз.

Ҳимояда яхши ўйнадик. «Хетафе»да гол уриш имконияти кам эди. Уйда ғалаба қозониш керак. Ўтган йили шу жиҳатдан панд еганмиз.

Гризманн? Жамоа манфаати учун ишлайдиган футболчини танқид қилиб бўлмайди. 

Таркибни кучайтиришимиз керак. Раҳбарият билан бунинг устида ишлаяпмиз. Эртага жамоани тарк этадиган ўйинчиларни муҳокама қиламиз. Кўп футболчилар ўйин амалиётисиз қолиб кетиши мумкин. Бу — оғир вазият», — дея Куманнинг сўзларини келтиради Marca.