«Манчестер Юнайтед» яримҳимоячиси Андреас Перейра яқин кунларда «Фламенго»га ўтади, дея хабар бермоқда Фабрицио Романо.

Инсайдернинг ёзишича, «МЮ» Перейра масаласида Бразилия клуби билан келишувга эришган. 25 ёшли футболчи ўз ватанига бир йиллик ижара асосида қайтади. «Фламенго» кейинги йил уни 15 миллион еврога сотиб олиши мумкин.

Аввалроқ, «Эвертон» ва «Фенербахче» клублари ҳам Перейрага қизиқиш билдирганди, аммо футболчининг ўзи Бразилия миллий жамоасига қайтиш учун «Фламенго» таклифини қабул қилган. 

Маълумот учун, «Манчестер Юнайтед» билан 2023 йилга қадар келишувга эга Андреас ўтган мавсумни «Лацио» сафида ўтказиб битта гол ва 4та ассистга муаллифлик қилганди.