Токио-2020 ёзги Олимпия ўйинлари ғолиб ва совриндорларига президент Шавкат Мирзиёев томонидан совға қилинган машина ва хонадонлар калити топширилган эди.
Бугун, 10 август куни дзюдо бўйича Токио-2020 совриндори Давлат Бобонов оиласи билан юртбошимиз томонидан совға қилинган «Trailblazer» автомобилида иккинчи мукофот – янги хонадонига ташриф буюрди.
«Олимпия ўйинларида спортчилар ўз юрти, номи, оиласи шарафини ҳимоя қилади. Менинг ватаним учун кўрсатган кичик хизматим мана шундай баҳоланганидан жуда ҳам бахтиёрман. Келгуси Олимпия ўйинларида бу менга жуда катта мотивация беради», – дея Олимпиада совриндори Давлат Бобоновнинг сўзларини келтирмоқда МОҚ расмий сайти.
Эслатиб ўтамиз, Токио-2020 Олимпиадасининг бронза медали соҳибларига пойтахтимизда қад ростлаётган «Greenpark» комплексидан 2 хонали уй совға қилинди.
