«Манчестер Юнайтед» клуби ҳимоячиси Аксель Туанзебе янги мавсумни «Астон Вилла»да бошлайдиган бўлди.

Бирмингем клуби 23 ёшли ҳимоячини бир мавсумга ижарага олганини эълон қилди. Асли конголик бўлган марказий ҳимоячи учун «Ньюкасл» ҳам кураш олиб бораётган эди, аммо «МЮ» уни Бирмингем клубига ижарага берди.

Аввалроқ, «МЮ» Рафаэль Варан трансферини эълон қилгач, клуб бош мураббийи Оле Гуннар Сульшер Туанзебе ўйин амалиётига эга бўлиши учун ижарага берилишини билдирганди. 

Маълумот учун, Туанзебе ўтган мавсум «МЮ» сафида жами 12 ўйинда майдонга тушган эди.