Токио Олимпиадаси дзюдо спорт турида -90 кг вазнда бронза медали учун ўтиш йўлидага баҳс ўтказилди.
Унда ўзбекистонлик дзюдочи Давлат Бобонов испаниялик рақиби Николоз Шеразадишвилини мағлуб этишга эришди. Ҳамюртимиз «Golden Score»нинг 6-дақиқасида рақибини татамига йиқитиб, бронза медали учун курашга чиқадиган бўлди.
Маълумот учун, Бобонов асли грузиялик бўлган рақиби Николоз Шеразадишвилига қарши бунгача бошқа турнирларда ўтказган 3та баҳсида мағлубиятга учраганди. Ниҳоят, Токио-2020да у Испания шарафини ҳимоя қилаётган дзюдочи курагини ерга теккизди.
Бронза медали учун курашда Бобонов Туркия шарафини ҳимоя қилувчи дзюдочи Михаэл Зганкга қарши татамига чиқади. Баҳс Тошкент вақти билан тахминан соат 15:30 атрофида бошланади.
