Дарвозабон Жанлуижи Доннарумма «ПСЖ» аъзосига айланди. 

Италиялик 22 ёшли посбон парижликлар сафига эркин агент сифатида қўшилди ва 2026 йилгача мўлжалланган шартнома имзолади.

Доннарумма «Наполи» ва «Милан» академияларида тарбияланган. У 2015 йилдан бери «россонери» асосий таркибида ҳаракат қилаётганди. 

Дарвозабон Евро-2020да Италия миллий жамоаси билан чемпион бўлди ва турнирнинг энг яхши ўйинчиси деб топилди.