Испания миллий жамоаси икки футболчида (Серхио Бускетс ва Диего Льоренте) коронавирус аниқлангач, Евро-2020 қайдномасига киритилиши мумкин бўлган 6 футболчи учун алоҳида машғулотлар лагери ташкил этди, деб хабар беради Marca. 

Эҳтимолий касалланишлар инобатга олинган ҳолда шундай йўл тутилмоқда. 

6 кишилик захира қайдномасидан қуйидаги футболчилар ўрин олган: дарвозабон — Кепа Аррисабалага («Челси»), ҳимоячи — Рауль Албиоль («Вильярреал»), яримҳимоячилар — Карлос Солер («Валенсия»),  Браим Мендес («Сельта»), Пабло Форнальс («Вест Ҳэм»), ҳужумчи — Родриго Морено («Лидс»).

Европа чемпионати 11 июндан старт олади. Испания Швеция, Польша ва Словакия билан бир гуруҳдан ўрин олган. Луис Энрике жамоаси дастлабки ўйинни 14 июнда Швецияга қарши ўтказади.