УЕФА президенти Александер Чеферин 12та клубнинг Европа Суперлигаси яратилиши ҳақидаги баёнотига жавобан кескин фикрлар билдирди.
– УЕФА Суперлигада ўйнамоқчи бўлаётган ушбу 12 клубсиз Чемпионлар лигасини ўтказа оладими?
- Ҳа, албатта. Европада жамоалар, яхши клублар сони кўп, ўз жамоасига содиқ мухлислар ҳам талайгина.
Биз бугунги йиғилишда 2024 йилдан амалда бўладиган турнир янгиланган тизимини тасдиқладик. Биз буни бу клублар ёки уларсиз ҳам қила оламиз.
- Клубларга нисбатан қачон жазо чоралари қўлланилади?
– Биз ҳозирги вазиятни ҳуқуқшунослар жамоаси билан бирга баҳолаяпмиз. Бу ҳақда ҳали гапиришга эрта. Аниқ бир қарорга келганимиздан кейин бу ҳақда хабар берамиз.
Гап шундаки, улар ярим кечада бу ҳақда эълон қилганидан кейин эрталаб бунга дарҳол ечим топиш қийин. Биз барча турдаги эҳтимолий санкцияларни кўриб чиқамиз. Жазо қачондан қўлланилиши ва амалда бўлиши ҳақида ҳали билмайман.
Эҳтимол, қўйнимизда илон борлигига гумон қилмай, соддалик қилгандирмиз. Энди эса буни биламиз. Тез орада қонуний чораларни кўрамиз», - дея УЕФА президенти Чефериннинг сўзларини келтирмоқда Goal.
