Испания миллий жамоаси ЖЧ-2022 саралаши доирасида 1-турда Греция (1:1) билан дуранг ўйнади.
Мезбонлар сафида ҳимоячи Серхио Рамос «қизил фурия»даги 179-ўйинини ўтказиб, миллий жамоалар миқёсидаги баҳслар сони бўйича 3-ўринда турган қувайтлик Бадр ал-Мутвани ортда қолдирди ва 2-поғонадаги уммонлик Аҳмад Муборакка етиб олди.
Энди 34 ёшли испанияликни рекорддан 5та беллашув ажратиб турибди. Рейтингни 184та ўйин билан Миср миллий жамоаси собиқ аъзоси Аҳмад Ҳассан бошқариб турибди.
