«ПСЖ» бош мураббийи Маурисио Почеттино EЧЛ 1/8 финалидан ўрин олган «Барселона»га қарши ўйин олдидан каталонияликлар устози Роналд Куманни мақтади.

«Бизни Чемпионлар Лигасида ғолиб чиққан жамоага қарши ажойиб ўйин кутиб турибди. Уларда ажойиб футболчилар ва мураббий бор. Мен Роналдга футболчи сифатида қойил қолгандим, энди у мураббийликда ҳам ҳайратлантирмоқда.

Иккала жамоа ҳам олдинга ўтишга интилади, аммо кейинги босқичга фақат бир жамоа чиқади. Куман бошчилигидаги «Барса» 7-8 ой ичида ривожланди ва барча муаммоларни енгиб ўтмоқда.

Мураббийлар штабига вақт керак, лекин Роналднинг 7-8 ойлик ишини таъкидлаш керак. Рақибнинг даражасидан ҳайратланмайман», – дея Почеттинонинг сўзларини келтиради Мundo Deportivo.