Пенальти, четлатиш ва сўнгги 10 дақиқада 3та гол. «Насаф» «Динамо»ни мағлуб этди
Душанба, 01 Феврал
4844

Про лигага тайёргарлик кўраётган «Динамо» жамоаси Қаршида Суперлига баҳсларига тайёргарлик кўраётган «Насаф» клубига қарши иккита ўртоқлик ўйинида майдонга тушди. Бу ҳақда «Динамо» клуби матбуот хизмати хабар бермоқда.

«Дастлабки учрашувда 0:0 ҳисоби қайд этилган бўлса, ёшартирилган ва бир қатор футболчилар синовдан ўтказилган иккинчи баҳсда «динамочилар» аламли тарзда мағлубиятга учрашди.

Учрашувда ҳисобни 49-дақиқада «Динамо» футболчиси Фахриддин Алимов очган бўлса, 60-дақиқада Аюбхонов четлатигач, «динамочилар» бир киши кам бўлиб қолишди. Шунга қарамай, 63-дақиқада самарқандлик 17 ёшли яримҳимоячи Акмал Козимов фарқни иккитага етказди – 0:2.

Ўйиннинг сўнгги дақиқалигида «динамочилар»нинг сон жиҳатдан камчиликда экани ўз сўзини айтди – 80 ва 85-дақиқада қаршиликлар ҳисобни тенглаштирган бўлишса, 90-дақиқада белгиланган пенальтидан фойдаланиб ўртоқлик ўйинида ғалабани илиб кетишди – 3:2. 

Қайд этиш жоиз, шу куни «Динамо» сафида эронлик 20 ёшли футболчи Ағо Муҳаммад Али кўрикдан ўтказилди. Эронлик яримҳимоячининг ҳаракатлари мураббийлар штабида илиқ таассурот қолдирса, Ағо Муҳаммад Али «Динамо» сафида қолиши мумкин», - дейилади клуб шарҳида.

«Насаф» клуби ушбу ўйиндаги жамоа таркибини маълум қилмаган.

31 январь (якшанба)
Ўртоқлик учрашуви. Қарши
«Насаф» – «Динамо» – 3:2
Голлар
: 80, 85, 90 пенальти – Фахриддин Алимов 49, Акмал Козимов 63.
«Динамо»: Умид Ҳамроев, Сарвар Абдусаломов, Асом Абдураҳмонов, Ойбек Жўраев, Сардор Саъдуллаев, Жавлон Маликов, Ағо Муҳаммад Али, Фахриддин Алимов, Ш.Аюбхонов, Акмал Козимов, Анвар Муродов.
Четлатиш: Ш. Аюбхонов (Динамо), 60.

Теглар

Ўхшаш янгиликлар