«ПСЖ» бош мураббийи Маурисио Почеттино Лига 1нинг 18-туридан ўрин олган «Сент-Этьен»га (1:1) қарши ўйиндан кейин ўз фикрларини билдирди.

«Албатта, бироз хафамиз. Чунки биз «ПСЖ»миз, шунинг учун ғалаба қозонишимиз керак. Аммо бизда тайёргарлик учун атиги 3 кун бўлди. Ишлаш керак бўлган жиҳатлар кўп ва уларни яхшилашимиз керак. Бу биз хоҳлаган натижа эмас, аммо «Сент-Этьен» дурангга лойиқ эканлиги аниқ.

Машғулотларда турли нарсаларни ўрганишга ҳаракат қилдик, футболчилар уларни қўллашга ҳаракат қилишганидан хурсандман. Ҳаракатлар ва муносабатлардан мамнунман», – дея Почеттинонинг сўзларини келтиради Goal.