Якуний тур: «Бухоро» Суперлига билан хайрлашди, «Андижон» плей-оффда ўйнайди, «Сурхон»да мағлубият
Пайшанба, 03 Декабр
7896

Суперлига якуний 26-тури доирасида турнир жадвалининг қуйи қисмидаги вазият ҳам ойдинлашди. «Бухоро» Про лигага равона бўлди, «Андижон» 13-ўринни эгаллаб, плей-оффда ўйнайдиган бўлди.

ОКМК Олмалиқда «Бухоро»ни қабул қилиб, иродали ғалабага эришди. Учрашувда бош ҳакам Виктор Серазетдинов жиддий хатога йўл қўйиб, «Бухоро» фойдасига пенальти белгилаган бўлса-да, меҳмонларнинг ҳисоб очишидан кейин мезбонлар учта гол уриб, ғалаба қозонишди – 3:1. Бу эса «Бухоро»нинг Про лигага тушиб кетишига сабаб бўлди. Клуб 14 очко билан лигани тарк этди.

Амалдаги чемпион «Пахтакор» эса «Андижон»ни мағлуб этди. Натижада «Андижон» 16 очко билан 13-ўринда қолиб, Суперлигада қолиш учун плей-офф ўйинида майдонга тушади. 

«Сурхон» эса «Сўғдиёна»га мағлубиятга учраб, 17 очко билан 12-ўринда қолиб Суперлигадаги ўрнини сақлаб қолди.

Суперлига. 26-тур.
ОКМК – «Бухоро» - 3:1
Ҳакам
: Виктор Серазитдинов (Тошкент)
Голлар: Ҳусниддин Ғофуров 45+1, 57, Элгужа Григалашвили 87 – Азиз Ибрагимов 15 пен.
ОКМК: 35.Валижон Раҳимов, 20.Мирғиёс Сулаймонов, 5.Дилшод Жўраев, 44.Бобур Йўлдошев, 11.Мурод Тошматов, 23.Йован Жокич, 4.Миржамол Қосимов, 17.Санжар Турсунов, 94.Ҳусниддин Ғофуров, 21.Мате Ватсадзе, 7.Элгужа Григалашвили.
«Бухоро»: 91.Зафар Сафаев, 4.Миржалол Жумаев, 5.Бобир Омонов,7.Суҳроб Неъматов, 10.Азиз Ибрагимов, 11.Зоҳир Пиримов, 17.Беҳруз Садиллоев, 24.Нуржаҳон Музаффаров, 28.Эргаш Исмоилов, 71.Файзулло Жуманқўзиев, 93.Максимилиан Фомин.

«Сурхон» – «Сўғдиёна» - 1:2
Голлар
: Александр Касьян 58 – Сaнжар Рашидов 8, Шоҳруз Норхонов 80
Ҳакам: Вадим Агишев (Тошкент)
«Сурхон»: 12.Азамат Аҳмедов, 2.Абдуқаҳҳор Хожиакбаров, 6.Раҳматулло Бердимуродов, 7.Низомжон Норов, 10.Шавкат Саломов (с), 11.Александр Касьян, 17.Сардор Сулаймонов (60.Ўрал Чориев, 21), 20.Ҳусниддин Ғофуров, 44.Дарко Станоевич, 70.Иброҳим Йўлдошев, 77.Асрор Ғофуров.
«Сўғдиёна»: 1.Ширинбой Абдуллаев, 2.Сардор Қулматов, 3.Искандар Шайқулов, 4.Элёр Орифов, 5.Аюбхон Нўъмонов (8.Жамшид Болтабоев, 61), 7.Санжар Рашидов, 10.Шоҳруз Норхонов, 12.Санъат Шихов, 19.Жавоҳир Қаҳрамонов, 21.Саҳоб Рашидов (11.Жасур Ҳасанов, 46), 22.Шаҳбоз Жўрабеков. 

«Пахтакор» - «Андижон» - 2:0
Ҳакам
: Зокир Қодиров (Навоий)
Гол: Драган Черан 32, Жавоҳир Сидиқов 34.
«Пахтакор»: 35.Санжар Қувватов, 3.Ҳожиакбар Алижонов, 4.Акрам Комилов, 5.Анзур Исмоилов, 15.Егор Кримец, 21.Аброрбек Исмоилов, 27.Сардор Собирхўжаев, 10.Драган Черан, 9.Жалолиддин Машарипов, 77.Эрен Дердийўқ, 99.Жавоҳир Сидиқов.
«Андижон»: 16.Элдоржон Адҳамов, 3. Азамат Исроилов, 4. Фарҳод Мираҳматов, 5. Хушнудбек Авилов, 6. Бахтиёр Қосимов, 8. Фарҳод Бекмуродов, 17. Абдуллоҳ Олимов, 22. Усмонали Исмоналиев, 28. Фарҳод Соҳибжонов, 33. Дониёр Абдуманнонов, 80. Шаҳбоз Жумабоев.

Турнир жадвали:

Теглар

Ўхшаш янгиликлар