«Арсенал» бош мураббийи Микель Артета жамоа яримҳимоячиси Месут Ўзилнинг АПЛ қайдномасидан чиқарилганидан сўнг мухлисларга қилган мурожаатига изоҳ берди. 

Жаҳон чемпиони мухлисларга мурожаатида ўтган мавсумда Артета билан яхши муносабатда бўлганини, аммо кейинчалик ҳамма нарса ўзгарганини айтганди. 

«Ҳар ким ўз ҳис-туйғуларини ифода этиши мумкин. Бу шунчаки футбол юзасидан қабул қилинган қарор деб айта оламан. Виждоним тоза, чунки мен у билан ростгўй муносабатда бўлдим. Биз яхши мулоқот қилдик ва бир-биримиздан нимани кутишимизни билардик.

У бошқалар каби имкониятларга эга эди. Уч нафар футболчини қайдномадан чиқариш керак бўлганидан жуда афсусдаман. Бу ёқимли эмас. Лекин мен шунчаки барчанинг кўзига қарашга ва қулай қарор қабул қилишга уриндим. Клубга келганимдан бери Месутга нисбатан очиқ муносабатда бўлганман», – дея Артетанинг сўзларини келтиради Goal.