«Атлетико» жамоанинг икки ўйинчиси коронавирусга чалинганини маълум қилди.

Хабар қилинишича, ҳужумчи Диего Коста ва қанот ҳимоячиси Сантьяго Арьяснинг COVID-19 учун топширган тестлари ижобий натижа кўрсатди.

Таъкидланишича, иккала ўйинчи ҳам изоляцияга олинган. Уларда вирус аломатлари йўқ.

Испаниялик ва колумбиялик ўйинчилар «матрасчилар»нинг бугундан, яъни 4 сентябрдан бошланадиган машғулотларини ўтказиб юборишади.