«Бавария» ҳужумчиси Томас Мюллер Чемпионлар Лигаси финалидан ўрин олган «ПСЖ»га қарши ўйин олдидан ўз фикрларини билдириб ўтди.

«Бу мен ўйнаган энг яхши «Бавария»га ўхшайди. Ҳозирга қадар деярли яхши мавсумн ўтказдик. Флик ўйин услубимизни ўзгартирди, бошиданоқ катта таваккалга қўл урди. Кўпчилик ҳимоямизни танқид қилади. Аммо улар ҳужумга қўшилиб, бизга кўп ёрдам беришади ва бу ўйинимиздаги муҳим жиҳатдир. Биз услубимизни ўзгартирмоқчи эмасмиз. 

«ПСЖ»да тезкор ҳужумчилар бор – Неймар ва Мбаппе. Агар уларга ўйлашга вақт бермасангиз, улар унчалик хафли эмас. Аммо эркинлик бериб қўйсангиз, хоҳлаганларини қилишлари мумкин», – дея Мюллернинг сўзларини келтиради Tuttmercatoweb.

Маълумот учун, «ПСЖ» – «Бавария» ўйини бугун, 23 август куни Лиссабондаги Эштадиу да Луш стадионида бўлиб ўтади.