«Манчестер Сити» бош мураббийи Пеп Гвардиола яримҳимоячи Лерой Сане клуб билан янги шартнома имзолашни истамаётганини айтди.

«Лерой шартномани узайтиришни истамаслигини айтди. У кетмоқчи. У билан ёзда ёки шартномаси муддати тугайдиган келаси йили хайрлашишимиз мумкин. Биз унга 2-3 марта янги шартнома таклиф қилдик, аммо у бошқа клубда тўп тепишни истаяпти.

Агар мавсум якунида у кетмоқчи бўлаётган клуб билан келишувга эришолмасак, Сане яна 1 йил сафимизда қолади», — деб Гвардиола сўзларини келтирмоқда Goal.

Аввалроқ «Бавария» клуби Сане учун 40 млн евро таклиф қилаётгани ҳақида хабарлар тарқалган эди.