Бундеслига 27-туридан ўрин олган «Айнтрахт»га қарши ўйинда битта голга муаллифлик қилган «Бавария» футболчиси Томас Мюллер ўйинда ҳисобни очган Леон Горецканинг голига ассистентлик ҳам қилди. Бу Мюллернинг Бундеслига жорий мавсумидаги 17-ассисти бўлди.
Шу тариқа Мюллер «кучли бешлик» чемпионатларида тўп тепаётган футболчилар орасида жорий мавсумда энг кўп голли узатма амалга оширган икки футболчидан бирига айланиб олди. Мюллергача бу борада «Манчестер Сити» яримҳимоячиси Кевин Де Брюйне 17та узатма билан етакчилик қилаётганди. Мюллер ва Санчода 16тадан ассист бор эди.
Айни дамда Ла Лигада Лионель Месси (12та ассист), Франция чемпионатида Анхель Ди Мария (14та ассист), А Серияда эса Луис Альберто узатмалар бўйича етакчилик қилмоқда.
