УЕФА Нидерландияни Европа Лигасининг келаси мавсумида бир йўлланмадан маҳрум қилиши мумкин. Бу ҳақда мамлакат футбол федерацияси (KNVB) клубларга хабар берган.
Гап шундаки, Нидерландияда мавсум муддатидан олдин якунлангач, жадвалда 5-ўринни эгаллаб турган «Виллем II» клубига Европа Лигаси йўлланмаси берилди. Бу эса ундан 3 очко ортда бораётган ва 1та кам ўйин ўтказган «Утрехт» клубини қаттиқ норози қилди. Энди улар KNVB билан судлашмоқчи.
Аввалроқ, УЕФА мавсум муддатидан олдин якунланган лигаларда еврокубоклар тақсимоти бўйича можаро бўлмаслигини шарт қилиб қўйган эди.
Агар KNVB клублар билан келишувга эришолмаса, УЕФА «Виллем II» клубини Европа Лигаси йўлланмасидан маҳрум қилади.
