УЕФА еврокубок йўлланмаларини ички чемпионатлар жадвали эмас, балки ўз рейтинги асосида тақсимлаш масаласини кўриб чиқмоқда.
Агар миллий чемпионатлар муддатидан олдин якунланса, ташкилот шу ҳақдаги қарорни қабул қилиши мумкин.
Бундай ҳолат юз берганида, А Серияда учинчи ўринда бораётган «Интер» Чемпионлар Лигаси йўлланмасига эга бўлмайди ва аксинча, Англия Премьер-Лигасида бешинчи ва тўққизинчи ўринда бораётган «Манчестер Юнайтед» ва «Арсенал» эга бўлади.
Ҳозирги вақтда Европанинг аксарият лигалари коронавирус пандемияси туфайли номаълум муддатгача танаффус олган.
