«Манчестер Сити»нинг украиналик ҳимоячиси Александр Зинченконинг сўзларига кўра, клуб футболчилари яқиндагина онаси вафот этган жамоа бош мураббийи Хосеп Гвардиола билан ҳозирча гаплашишлари мумкин эмас. 

«Афсуски, у яқинда онасини йўқотди. Унга қийин пайтда ёзмаслигимиз ҳақида огоҳлантиришди. Албатта, ижтимоий тармоқларда ҳамма ўз қўллаб-қувватлашини билдирди.  Биз бир оиламиз. Ҳамма бир-бири учун қайғуради. Яқинларни йўқотиш оғриқли. 

Пеп онаси вафотидан аввалроқ бир-биримизни қўллаб-қувватлашимиз кераклиги ҳақида видеолар юборганди. Шундан бери у билан гаплашмадик», – дейди Зинченко «Великий футбол» дастурида.

Эслатиб ўтамиз, Пепнинг онаси – Долорес Сала Каррио 6 апрель куни 82 ёшида коронавирусдан вафот этди.