«Ювентус» ҳужумчиси Криштиану Роналду коронавирусни аниқлаб берувчи тестни топширди.
A Bola хабарига кўра, португалиялик футболчида унинг аломатлари топилмади.
Эслатиб ўтамиз, айни пайтда Роналду ватани Португалияда 14 кунлик карантинда яшамоқда. Аввалроқ, унинг уч нафар жамоадоши – Даниэле Ругани, Блез Матюиди ва Пауло Дибала коронавирусга чалингани аниқланган эди.
Қайд қилиш жоизки, Роналду Италияга қайтганидан сўнг ҳам 14 кунлик карантинга олинади.
Бу мавсумда 35 ёшли футболчи барча мусобақаларда 22та ўйинда майдонга тушиб, 21та гол урган ва 3та голга ҳаммуаллифлик қилган.
