«Ҳоффенҳайм» клуби ва CureVac биофармацевтика компанияси президенти Дитмар Ҳопп коронавирусга қарши вакцинанинг қачон ишлаб чиқилишини айтди.
«Дастлаб вакцинани ҳайвонларда синаб кўриш керак, кейин – инсонларда. Ўйлашимча у коронавируснинг иккинчи тўлқини бошланиши кутилаётган кузда пайдо бўлса керак.
Агар уни ишлаб чиқишга эришсак, нафақат бир ҳудудда, балки дунёдаги барча инсонларни ҳимоя қилишда фойдаланиш имкони туғилади», — деб Ҳопп сўзларини келтирмоқда Sport1.
Аввалроқ «Бавария» фанатлари «Ҳоффенҳайм»га қарши ўйинда Ҳоппни таҳқирловчи баннерларни кўтаришган, натижада баҳс бир неча дақиқага тўхтатилган эди.
