Испания ва Италия футболчилари касаба уюшмаси коронавирус тарқалиши билан боғлиқ вазият бўйича қўшма баёнот беришди.

Унда коронавирус инфекциясининг футболчилар соғлиғига хавф солиш эҳтимоли юқори экани туфайли, ҳар иккала мамлакат клубларининг Чемпионлар Лигаси ва Европа Лигасидаги ўзаро ўйинларини бекор қилиш таклифи берилган. 

Эслатиб ўтамиз, Европа Лигасида «Хетафе» - «Интер» ва «Севилья» - «Рома», Чемпионлар Лигасида «Барселона» - «Наполи» ўйинлари ўтказилиши керак.

Аввалроқ «Хетафе» президенти Анхель Торрес Италиядаги оғир вазият туфайли, «Интер»га қарши ўйинга бормаслигини, «Рома» эса Италия самолётларининг Испанияда қўнишига рухсат йўқлиги сабабли, «Севилья»га қарши ўйинда иштирок этолмаслигини эълон қилишган эди.