«Ливерпуль» бош мураббийи Юрген Клопп «Атлетико» клуби «ПСЖ» ҳужумчиси Эдинсон Кавани билан шартнома имзоламаслигига умид қилмоқда. 

Эслатиб ўтамиз, Чемпионлар Лигаси 1/8 финалида «Ливерпуль» «Атлетико»га қарши баҳс юритади.

«Мората ва Фелиш етарли даражада хавфли. Диего Костага келсак, у биз билан ўйингача тузалмаса керак. Аммо ҳар нарса бўлиши мумкин. «Атлетико»нинг ҳужум чизиғи жуда яхши. Умид қиламанки, улар Кавани билан шартнома имзолашмайди. «Атлетико» Каванини сотиб олмаган тақдирда ҳам, жиддий рақибдир.

Биз ҳали ҳам рақиб ўйинини чуқур таҳлил қилишни бошлаганимиз йўқ. Аммо айтишим мумкинки, мен бу жамоанинг ўйинини кўп бор кўрганман», – деб германиялик мутахассиснинг сўзларини келтиради Mundo Deportivo.