«Реал» бош мураббийи Зинедин Зидан «Ливерпуль» ҳужумчиси Садио Мане билан унинг мадридликлар клубига трансфери масаласини муҳокама қилди.

Soccer Link нашри маълумотига кўра, француз мутахассис сенегаллик форвардни «Қироллик клуби»га ўтишга кўндирган, аммо трансфер «Реал» президенти Флорентино Переснинг бу масаладаги позицияси туфайли амалга ошмаган. Функционер Родриго ва Эден Азар сотиб олингани туфайли жамоада Манега эҳтиёж йўқ деб ҳисобламоқда. Шунингдек, «Ливерпуль» Мане билан хайрлашмоқчи эмас. 

Мане профессионал футболчилик фаолиятини 2010 йилда «Мец» сафида бошлаган. Францияда ўтган икки йилдан кейин «Ред Булл Зальцбург» клуби аъзосига айланган, Австриядаги икки йиллик фаолиятдан кейин эса «Саутҳемптон» сафига йўл олган. 2016 йилда ушбу футболчини «Ливерпуль» сотиб олган, у мерсисайдликлар билан ўтган мавсумда Чемпионлар лигаси ғолиби бўлди, 14 август оқшомида эса Европа Суперкубогини қўлга киритди.