«Аudi Cup» ярим финалида «Реал» «Тоттенҳем»га имкониятни бой берди (0:1).

Мюнхендаги ўйиндан кейин «қаймоқранглилар» бош мураббийи ўз жамоаси рақибдан кўра яхшироқ ўйнаганини таъкидлади.

«Бугун биз яхшироқ ўйнадик. Барча жабҳаларда рақибдан устунлик қилдик. Жамоа ўсиши учун нима қилиш кераклигини билсанг, ижобий кайфиятда бўлишинг керак.

Олдинда қийин мавсум кутиб турибди, лекин шуни биламанки, қўл остимда ажойиб жамоа бор. Ҳозирча биз тайёр эмасмиз, буни кўриб турибсизлар. Ўз ўйинимиз ва ўзимизга ишончни тиклаб оламиз. Бизга ҳозир биргина ўйинда ғалаба қозониб олиш керак бўляпти», - деган Зиданнинг фикрларини келтиради AS.

Эслатиб ўтамиз, «Реал» бугун мусобақанинг учинчи ўрни учун баҳсда «Фенербаҳче»га қарши майдонга тушади. «Альянц Арена»даги учрашув Тошкент вақти билан соат 21:00да бошланади.