Франциялик чап қанот ҳимоячиси Патрис Эвра 38 ёшида футболчилик фаолиятини якунлади, деб хабар беради Squawka.
Футболчи фаолияти давомида кўплаб клубларда ўйнади. Унинг 8 йиллик қисмини «Манчестер Юнайтед»да ўтказди. Кейинчалик «Ювентус» таркибида тўп тепди.
Эвра умумий ҳисобда 733та ўйинда майдонга тушиб, 17та гол урган. Франция миллий жамоаси таркибида 81та ўйинни ўтказган.
У Англиянинг 5 карра чемпиони, Италиянинг 2 карра чемпиони, «Манчестер Юнайтед» таркибида Чемпионлар Лигаси ғолиби ва клублараро жаҳон чемпионати ғолиби саналади.
