Суперлига 2-туридан ўрин олган «Локомотив» ҳамда «Андижон» клублари ўртасидаги ўйиндан сўнг ҳар икки жамоа мураббийлари иштирокида матбуот анжумани ўтказилди. Анжуманнинг 1-қисмида «Андижон» бош мураббийи Илдар Сакаев саволларга жавоб берди. Унда қатнашган Tribuna.uz мухбири мураббийнинг сўзларини ёзиб олди.

«Ҳисоб 4:0 экани биз ўзимиз хоҳлагандек ўйнай олмаганимизни кўрсатиб турибди. Бирични голдан кейиноқ бизда кайфият тушиб кетди. Ғалаба жамоаники, мағлубият мураббийники дейишади. Демак бугун мен яхши ишламадим ва керак вақтда қандай ўйнаш керак эканини тушунтириб бера олмадим. Тан оламан, мен қилган хато мағлубиятга сабаб бўлди. Такрорлайман, бугун мен ютқаздим, йигитларга эътирозим йўқ.

Ҳа, ҳужумда ишларимиз кўнгилдагидек эмас. Учта ўйинда битта гол урдик ва у ҳам жаримадан. Ҳужумда агрессивлик етишмаяпти. Бизнинг жамоа янги ва биз ҳали кўп ишлашимиз керак. Дуранг учун муокфот пули олганмиз? Йўқ, биз ҳали мукофот пули олмадик. Умуман бу клубнинг ички иши деб ўйлайман»,- дейди мураббий.