Италияда қишки трансфер дарчаси муддати узайтирилиши мумкин.
La Gazzetta dello Sport маълумотига қараганда, кеча итальян клублари муддатни икки ҳафтага узайтириш масаласини муҳокама қилишган.
Жорий тартибга кўра, трансфер ойнаси 1 январда очилиб, 18 январда ёпилади. Аммо клублар муддатни бошқа лигаларники каби 31 январгача узайтиришни истамоқда. Бунинг учун А Серия клубларининг якуний қарори ФИФА тасдиғидан ўтиши керак.
Шу билан бирга, пайшанба куни А Серияга янги раҳбар ҳам тайинланди. Лигага эндиликда Луиги Де Сиерво бошчилик қилади.
