«Арсенал» яримҳимоячи Месут Ўзилни январда ижарага қўйиб юбориш имкониятларини чамаламоқда.
The Times`нинг маълум қилишича, 30 ёшли немис бош мураббий Унаи Эмери томонидан танланган тактик схемага мос тушмаяпти. Машғулотлар вақтида улар ўртасида бир неча маротаба келишмовчиликлар юзага келган, испаниялик мутахассис хавбекнинг ўйинларидан норозилик билдирган.
«Тўпчилар» шу йилнинг бошида Ўзил билан шартнома муддатини 2021 йилгача узайтирган, унинг маошини эса ҳафтасига 350 минг фунт этиб белгилаган эди. Бу билан Месут «Арсенал» тарихидаги энг кўп маош олувчи футболчига айланган.
