«Реал»нинг собиқ бош мураббийи Зинедин Зидан фаолиятини Англияда давом эттириши мумкин.

As нашри маълумотига кўра, француз мутахассисда «Манчестер Юнайтед» томонидан берилган таклиф мавжуд. У таклифни кўриб чиқмоқда.

Зидан «Ювентус»да ёки Франция терма жамоасида ишлашни истаган, аммо яқин вақт ичида бунинг имкони йўқлигини тушуниб турибди. Шу туфайли у «МЮ» вариантини ўрганиб чиқмоқда.

Бундан аввалроқ, Жозе Моуриньони ишдан бўшатиб, унинг ўрнига мавсум якунига қадар Оле-Гуннар Сульшерни тайинлаган «Манчестер Юнайтед» раҳбарияти «Тоттенҳэм» мураббийи Маурисио Почеттинони жамоага таклиф қилмоқчилиги, унинг учун 42 миллион евро миқдоридаги товон пулини тўлашга тайёрлиги ҳақида хабар берилганди.