«Арсенал» яримҳимоячи Месут Ўзил белидаги жароҳатидан соғайиб сафга қайтганини маълум қилди.
Қайд этилишича, Ўзил Европа Лигасида эртага бўлиб ўтадиган «Қорабоғ»га қарши ўйинда майдонга тушишга тайёр.
Германиялик хавбек сўнгги марта 11 ноябрда «Вулверҳэмптон»га қарши баҳсда майдонга тушган эди. Шундан сўнг у жамоанинг 5та ўйинини ўтказиб юборди.
Бунга қадар эса Месут АПЛда 10та ўйин ўтказиб, 3+1 маҳсулдорлик натижасига эришган эди.
Эслатиб ўтамиз, шифокорлар 30 ёшли футболчининг соғайиши кечикишига унинг видеоўйинларга муккасидан кетгани сабаб, деган фаразни илгари суришган эди.
