«Россия-2018» ташкилий қўмитаси маълумотига кўра, жаҳон чемпионатини ўтказишдан олинган умумий иқтисодий самара 952 миллиард рублга (тахминан 13 миллиард долларга) тенг бўлган. Бу мамлакат ЯММнинг 1%ни ташкил қилади.
Бунда Россия мусобақага тайёргарлик кўриш ва уни ўтказиш учун 688 миллиард рубль (тахминан 9,9 миллиард доллар) сарфлаган.
Эслатиб ўтамиз, мусобақада Франция терма жамоаси ғалаба қозонган эди. Иккинчи ўринни Хорватия, учинчи ўринни Бельгия ва тўртинчи ўринни Англия қўлга киритди.
