«Атлетико» ҳужумчиси Антуан Гризманн ўз орзуси ҳақида гапириб берди.

«Ниҳоят, ўзимни футболда менга омал кулиб боқаётгандек ҳис этяпман. Ўз музейим бўлишини, у ерда футболкаларим ва совринларим сақланишини жуда ҳам истайман.

Ўз номимни «Атлетико» тарихига ёзиб қўйиб, «Олтин тўп» соҳиби бўлиш – менинг орзум», - деб айтиб ўтган Гризманндан иқтибос келтирди Marca.

Маълумот учун, Гризманн 2016 йилги «Олтин тўп» сўровномасида Криштиану Роналду ва Лионель Мессидан кейинги учинчи ўринни олган эди. У ўтган йилги сўровнома натижалари жадвалида 18-ўринда қайд этилган.

Эслатиб ўтамиз, 8 октябрь куни France Football нашри ўзи таъсис этган нуфузли мукофотга 2018 йилги номзодлар рўйхатини эълон қилган, улар орасида Антуан номи ҳам қайд этилган эди.