Германия терма жамоаси сафида 1990 йилги ЖЧ ғолиби бўлган Лотар Маттеуснинг фикрича, бундестим бош мураббийи Йоахим Лёв «Бавария» яримҳимоячиси Томас Мюллерни нотўғри позицияда ўйнатмоқда.
«Илтимос, Томас Мюллер учун тўғри позицияни топинг! Унинг жойи ўнг қанотда. Фақат Францияга қарши баҳслардагина уни шу позицияда ўйнатиш керак эмас.
Лев Мюллерни ё кўпроқ фойда келтириб, ўзини кўрсатиши мумкин бўлган позицияда ўйнатсин ёки бўлмаса уни тинч қўйсин. Томас ҳужумкор яримҳимоячи сифатида ёки ҳужумчиларга бевосита яқин масофада ўйнаши керак», - деган Маттеуснинг сўзларини келтириб ўтди Bild.
Таъкидлаш жоиз, ЖЧ-2018да Лёв Мюллерни гоҳ чап қанот, гоҳ ўнг қанотда ўйнатган эди.
